Hoxe volvemos
a Albert a seguir coa orientación. Despois ofrecéronnos un “Lunch” nun
restaurante que foi un antigo muíño e que agora é unha “Brewery” (fábrica de
cervexa). A parte do noso grupo, estaban os coordinadores e con algúns directivos
dalgunhas escolas de primaria e secundaria, en representación de todas as que
acollen a mestres galegos.
Xa pola
tarde reunímonos, cando xa remataran as actividades programadas.
Como podedes
ver na foto, así se fai unha tormenta de ideas galega en Canadá. Aquí estabamos
reunidos preparando unha actividade intercultural integradora que contextualiza
o bilingüismo empregando elementos CLIL que se atopan no currículo galego. Eu
diría incluso que se podería encadrar en calquera contido de Ciencias Naturais
ou Ciencias Sociais pois estabamos a planear a nosa primeira viaxe de fin de
semana xuntos. De feito, empregamos a competencia de aprender a aprender, as competencias
sociais e cívicas respectando as quendas de palabra, a competencia dixital e a do
sentido da iniciativa e espírito emprendedor buscando aloxamento, pero sobre
todo a competencia en comunicación lingüística, pois non paramos de falar en
ningún momento aportando ideas, destacando algún hostal ou apartamento válido
para aloxarnos, etc.
No comments:
Post a Comment